عاوزة اسأل .. بقلم الشاعرة / عبـــــــــير جــــــــــلال
،،عاوزة أسال،،،
عاوزة أسال
ليه العمر بيقف بيا
لما الباب يدق
ده خوف من امبارح
ولا بكرة جاي يدق
الباب دق
يقولي الامل جه
صوت بينده
قومي بالله لسه
الدنيا قدامك
لسه في صبح
شمس طالعة
ترقص بتضحك
بين السحاب تداري
دموع نازلة ندى
على ورق الشجر
بتغسله غسل
يوم يمر واخد
معاه العمر
بيجري جري
عوزة أسال
ليه الخوف جوايا
برغم الفرح معايا
برغم الضحكة
اللي بتترسم رسم
ليه الخوف
ليه القلق
طريق مفتوح
فاتح دراعاته
منور بنور الامل
طالع زي الفجر
واذان بيهدي الروح
حنان وحب
انا بأسال
ليه الدنيا وجعاني
بألم جامد يشق
قلبي شق
بينزف دم يروي
صحارى روحي
يطرح فل ورد
هى دنيتي صعبة
ولا أنا خايفة
من اللي جاي
أنا بأسال
ليه روحي تايهة
بين الايام
بتدور على الأحلام
على الحنان
على امل كداب
دائما أنا باسال
فين الحب
ده كداب ده رقاص
على أوتار الوجع
اللي جوه القلب
فين الحب
في دنيا الكدب
أنا دايما أسال
شريط عمري
بيجري جري
رايح فين
وجاي مين
ياعمر مر
بيسأل نفس السؤال
ليه الخوف بيجي
لما الباب يدق
بقلم عبير جلال
الأسكندرية
6/12/25
تعليقات
إرسال تعليق