ح أحكي عن أمي .. بقلم الشاعر / حمدي البوقي
ح احكي عن امي
بس أقول أيه ...
أكتر من اللي إتقال
لازم أحكي وأحكي
طول م باقي سؤال
والخلق سؤالها مازال
لسه عن أمي
ودمعها الباقي
وجرحها لسه
ملضوم بموالي
أحكي يمكن...
إللى إبتدا بمحال
بكره يصير ممكن
د الكون بدأ بكلمة
لساني خايف. ...
أتوه في الضلمة
باب الحكاوي كبير
وانا بقالي كتير
وكأني كنت ف سفر
واديني جيت
لسه علىَ البيبان
متمدده الغربان
نازلة دموع امي
وهي بتقولي
أحكي كلام لوني
مسطور علىَ جبيني
وإن خفت ماتقولشي
بلاش ما تكتبشي
لا تروح ولا تمشي
خليك هنا جنبي
غني وقول موال
أه....يامه
موالي هو إنت
ياعاشقة القمر كنتِ
لبعد حد الحلم
حيط السكات هدي
حبل الغنا مدي
راح اكسرشراع الموت
لو ح أسافر
فِ الضلام وحدي
بقلمي
حمدي البوقي
تعليقات
إرسال تعليق