حبيبي شبهي .. بقلم الشاعرة / إحسان صادق
** حبيبي شبهي **
ف يوم مسكت قلمي
وغازلت قوام حروفي
وسرحت كده بخيالي
وقلت هتكتب إيه..؟؟
شعور وكان ناقصني
دورت كتير علية
وياه قوام لقيته
بجد كمان لقيتني
حسيت حبيبي شبهي
قلب جميل حنين
طيب وكلامه عفوي
حسيته حته مني
لمس روحي ولمسني
وبالأمان حسسني
وفي وسط التوهة
نسينا إحنا مين..؟؟
طرت وياه بعيد
قلت حبيبي خدني
لدنيا مش دنيانا
كفاية تكون معايا
قالي ياعمري تعالي
وخدني قوام ف حضنه
نسيت ساعتها أنا مين
وغفيت لحظة َ وقمت
مخضوضة على صرخة واحدة
أنا لازم فورا أمشي
قالي يا حبيبتي ليه..؟؟
وبدمعة ملت عينيا
رديت قوام عليه
كان نفسي تكون قدري
وهنعمل ياحبيبي إيه
قلتله حبيبي سامحني
والله غصب عني
ماكانش قصدي آوجعك
بعدك قلبي وجعني
فراقك والله عشانك
ولا يمكن أكون آناني
بتمني تكون سعيد
ولو حتي عني بعيد
ووعد مني ياقلبي
هتفضل جوه النني
متقولش بعدت عني
عشان هتكون معايا
وطيفك هيطمني
أحكي ف ليلي معاه
وردك أنا سامعاه
كآنك ياروحي بتكلمني
وكمان حبيبي أكيد
إنك كمان سامعني
بقلمي / إحسان صادق
تعليقات
إرسال تعليق